Brian Weiss: «Sèm d’armas e anam de còrs en còrs».

Brian Weiss: «Sèm d’armas e anam de còrs en còrs».

El Periódico de Catalunya. Dimècres, 21 de genièr del 2009. Opinion. Pagina 80.

L’entrevista amb Brian Weiss, Psiquiatra especialista en terapia regressiva.

Als Estats Units a recebut gaireben 4.000 pacients qu’an de remembres de las siás vidas passadas.

Brian Weiss: «Sèm d’armas e anam de còrs en còrs».
Gaspar Hernàndez.
Traduccion: Federico Merino.

Brian Weiss. Fotò: Joan Cortadellas.

– Fòrça monde de la comunitat scientifica refusa las siás teorias.–

Òc, e aiceste refús supausa un rèpte per ieu dempuèi las annadas 80. Los scientifics vòlon d’estudis e ieu trabalhi amb un cas aprèp l’autre.–

–Cossí se pòt demostrar scientificament la reencarnacion?–

–En primièr luòc, en mantenent un esperit dobèrt. S’agís d’analisar un cas aprèp l’autre e desvolopar una ipotèsi. I a fòrça scientifics qu’an desbrembat que la basa de la sciéncia es aver un esperit dobèrt e pas anar pel mond amb d’idèas preconcebudas. Ieu recomandi als mieus collègas mètges d’assajar la terapia regressiva, e o veiràn ben.–

– Que es la «vida passada» per vos?–

–Un remembre qu’as de tu, ont te reconeisses amb un autre còrs, en un autre temps, mas en sabent segur que sès tu. Aquel remembre lo pòdes aver de mantunas manièras, quitament en sòmi, e pòt arribar a explicar una paur del present.–

–Per exemple?–

–S’en una vida passada te sès estofat, benlèu qu’ajas ara una paur terribla de l’aiga.–

–E s’ai paur de las nautors?–

–Benlèu qu’en una vida passada t’ajan empench de naut d’un castèl. Trabalhi amb pacients que venon amb simptòmas semblables.–

–E s’ai pas traumas, ni de grandas paurs?–

–La miá femna trabalha amb gents coma vos, gents qu’a de memòrias de vidas passadas que son pas traumaticas, e que senton solament curiositat. Dins las siás autras vidas, aquelas personas an pas patit cap de trauma. Ela se fa referéncia a eles coma «los toristas de las vidas passadas».–

–Solament de toristas? Faguèron pas res de profièch?–

–Quitament pel torista, aver un remembre de la vida passada es fòrça important. Significa que sèm pas solament un còrs fisic, mas una arma que va de còrs en còrs.–

–E la mòrt?–

–Lo fach que siam d’armas implica que nos cal pas aver tanta paur a la mòrt. E nos caldriá tanpauc patir de periòdes de dòl talament longs coma los que gardam en la nòstra societat, perque en realitat sèm immortals e nos retrobarem totjorn amb los nòstres èssers aimats.–

–Plan polit. Sembla un conte.–

–Òc qu’es polit. Malgrat tot, qu’una idèa siá reconfortanta significa pas que siá cèrta. De tot biais, aquela li asseguri qu’o es. La màger part de las tradicions religiosas creson en la reencarnacion. Quitament lo cristianisme acceptava la reencarnacion fins a fòrça aprèp Crist. A la Bíblia i aviá tanben, un còp èra, fòrça referéncias a la reencarnacion.–

–Disètz que sèm una arma que se reencarna de còrs en còrs. Mas la populacion mondiala aumenta. Mancan alavetz d’armas, vertat?–

–Perqué nos cal èsser segurs que la Tèrra es l’unic luòc ont i a d’armas?–

–Ah, doncas i aviá pas pensat…–

–Las armas existisson en fòrça dimensions e en fòrça univèrses. La Tèrra es sonque una pichona planeta entre milions d’univèrses.–

–E perqué venon las armas aicí?–

–Se senton atrachas perque nosautras vivèm en còrses fisics, e sentèm e vivèm d’una cèrta manièra a travèrs dels nòstres senses. Mas la quantitat d’armas que i a dins la Tèrra es minuscula comparada amb la que i a per tot l’univèrs. E i a tanben d’armas que se dividisson e an mai d’una experiéncia a l’encòp.–

–Fasètz terapia regressiva mejançant la ipnòsi, mas i a d’autres camins.–

–I a fòrça d’autres camins, coma per exemple la meditacion, lo iòga o los sòmis.–

–E los déjà vu…–

–Òc, i a de personas qu’experimentan un déjà vu e en realitat an un remembre d’una vida passada. Van en una vila pel primièr còp e se mainan que sabon trobar las carrièras: i foguèron pendent una vida passada. Fòrça de gents an agut una experiéncia de vida passada, o extracorporal, e es pas un. baug. Mas, coma a pas res legit, sap pas qué li arriba. Informar a travèrs de lo sieu jornal pòt ajudar fòrça gents a se sentir pas estranha.–

–Qué li dison los sieus mèstres de l’en delà?–

–Lo meteis de totjorn, perque es una sabença anciana. Ai doas fonts per recebre informacion de los mieus mèstres: a travèrs de los mieus pacients ipnotizats e a travèrs de la miá meditacion. Los messatges son ligats al desir de mai patz e de mens violéncia dins aicesta planeta. Nos cal remembrar que sèm d’èssers espiritualas, qu’aquela es la nòstra vertadièra natura. Sèm aicí per aprene sus l’amor e la compassion. Sèm totes interconnectats. Quand nafram a qualqu’un, nos nafram a nosautres meteisses.–

Sustot, meditar.

Lo doctor Brian Weiss (Nòva Yòrk, 1944) dirigiguèt lo Departament de Psiquiatria de la Facultat de Medecina de Yale e es ara president d’onor del Departament de Psiquiatria del Mount Sinai de Miami. Per la siá consulta son passats 4.000 pacients que creson s’aver reencarnat. Es ara a Barcelona convidat pel Fòrum de l’Excelléncia. Es un òme d’aparéncia fragila, somiaire, amb jet lag. La primièra causa qu’a fach a l’ostalariá es meditar. Per el, meditar es «coma dormir o coma manjar».